२३ असार २०७९, बिहिबार

मन्त्रिपरिषद्‌ हेरफेरविरुद्ध एकिकृत समाजवादीका १० नेताले दर्ता गराए ८ बुँदे असन्तुष्टि पत्र

लेखाजोखा न्यूज

१० असार २०७९, शुक्रबार ११:४०

काठमाडौँ । मन्त्रिपरिषद्‌ हेरफेरविरुद्ध नेकपा एकिकृत समाजवादीका १० नेताले पार्टी कार्यालयमा ८ बुँदे असन्तुष्टि पत्र दर्ता गराएका छन् । आज बिहान १० बजे स्वास्थ्य मन्त्री विरोध खतिवडाको नेतृत्व १० जना नेता विभिन्‍न मागसहित असन्तुष्टि पत्र दर्ता गराएका हुन् ।

बजेटको बीचमा मन्त्री फेर्ने निर्णय पार्टीको अपरिपक्‍व भएको उक्त पत्रमा लेखिएको छ । बजेटको बीचमा मन्त्री फेर्ने निर्णय पार्टीको अपरिपक्‍व छु समाजवादीका एक नेताले इकागजसँग भने बजेट पारित भएपछि मन्त्री फेर्ने आन्तरिक समझदारी हुँदाहुँदै क्षणक्षणमा प्रधानमन्त्रीलाई दबाब दिएर हुर्मत लिने काम गरेको ठिक भएन ।

त्यस्तै अहिले मन्त्री बनाउन प्रस्ताव गरेको पाँच जनाको नाम कुनै हालतमा परिवर्तन हुनुपर्ने उनीहरूले अडान राखेका छन् । ति नाम समावेशी छैन । महिला छैनु ति नेताले इकागजसँग भने एउटै जिल्लाबाट २ जना सिफारिस गरिएको छ । सिनियर-जुनियर हेरिएको छैन । ६ महिनाको नियम सबैमा लागू हुनुपर्छ ।

उक्त असन्तुष्टि पत्र १७ नम्बरमा दर्ता भएको ति नेताले बताए । विरोध खतिवडामा नेतृत्वमा सांसदहरू रामकुमारी झाँक्री, प्रेम आले, कृष्ण कुमार श्रेष्ठ, कृष्णलाल महर्जन, गोपालबहादुर बम, बिनादेवी बुढाथोकी, पुष्पाकुमारी कर्ण कायस्थ, धनबहादुर बुढा र निरा जैरुले असन्तुष्टि पत्र दर्ता गराएका हुन् ।

प्रतिक्रिया
सम्बन्धित समाचार

© 2022 All Rights Reserved - Lekhajokha News Site By : SobizTrend