भारतीय फेसबुककी कार्यकारी अधिकृत दासले दिइन् राजीनामा

लेखाजोखा न्युज
१२ कार्तिक २०७७, बुधबार ०६:४७

काठमाडौं । भारतस्थित फेसबुककी शीर्ष अधिकारी अंखी दासले संस्थाबाट मंगलबार राजीनामा दिएकी छन् । उनले भाषण नीतिमा भारतीय जनता पार्टीको पक्ष लिएको आरोप लागेको थियो ।

भारतीय फेसबुककी कार्यकारी अधिकृत दासले भारतीय जनता पार्टीको विवादका कारण राजीनामा नदिएको बरु सार्वजनिक सेवामा प्रवेश गर्न राजीनामा दिएको दाबी गरेकी छन् ।

उनी सन् २०११ मा फेसबुक प्रवेश गरेकी थिइन् ।

उनले मार्क जुकरबर्गलाई सम्बोधन गर्दै यति लामो समयसम्म फेसबुकमा काम गर्दा आफूले कम्पनीले सेवा गरेको उल्लेख गरेकी छन् ।

फेसबुक भारतका प्रमुख अजित मोहनले यति लामो समयसम्म सेवा गरेकोमा दासलाई धन्यवाद दिएका छन् ।