२ कार्तिक २०७८, मंगलबार

सरकारले फिर्ता बोलाएका राजदूत को- को हुन् ? हेर्नुहोस् सूची

लेखाजोखा न्यूज

५ असोज २०७८, मंगलबार ७:४६

काठमाडौं । केपी शर्मा ओली नेतृत्वका पूर्ववत् सरकारले नियुक्त गरिएका सबै राजदूतहरूलाई फिर्ता बोलाउने मन्त्रिपरिषद् बैठकले निर्णय गरेको छ ।

मंगलवार सिंहदरबारमा बसेको बैठकले राजनीतिक नियुक्तिबाट गरिएका सबै राजदूतहरूलाई फिर्ता बोलाउने निर्णय गरिएको कानुन, न्याय तथा संसदीय मामिला मन्त्री तथा सरकारका प्रवक्ता ज्ञानेन्द्रबहादुर कार्कीले बताए ।

राजनीतिक नियुक्तिबाट बंगलादेश, चीन, भारत, अमेरिका, बेलायत, इजरायल, दक्षिण अफ्रिका, कतार, स्पेन, मलेसिया र ओमानमा राजदूतहरू नियुक्त भएका थिए ।

मन्त्रिपरिषद्को नियुक्तिसँगै उनीहरू अब स्वदेश फिर्ता हुनुपर्ने भएको छ । यसअघि सरकारले ११ देशका राजदूतलाई फिर्ता बोलाउने निर्णय गरेको थियो । यससँगै नेपालका २२ देशमा राजदूत पद खाली भएका छन् ।

पूर्णबहादुर खड्का नेतृत्वको कार्यदलको सुझाव अनुसार ओली सरकारले नियुक्त गरेका राजदुत फिर्ता बोलाइएको हो । स्रोतले  भन्यो, ‘जापानकी राजदूत प्रतिभा राणाबारे भने कुनै निर्णय भएको छैन, उहाँलाई ​ ओली सरकारले नियुक्त गरेको होइन ।”

यी हुन् पजनीमा परेका राजदूतहरू

१. वंशीधर मिश्र, बंगलादेश
२. महेन्द्र बहादुर पाण्डे, चीन
३. निलाम्बर आचार्य, भारत
४. युवराज खतिवडा, अमेरिका
५. सर्मिला पराजुली ढकाल, ओमान
६. नारदनाथ भारद्वाज, कतार
७. दावा फुटी शेर्पा, स्पेन
८. निर्मलकुमार विश्वकर्मा, दक्षिण अफ्रिका
९. उदयराज पाण्डे, मलेसिया
१०. अन्जन शाक्य, इजरायल
११. लोकदर्शन रेग्मी, बेलायत

 

प्रतिक्रिया
सम्बन्धित समाचार
© 2021 All Rights Reserved - Lekhajokha News Site By : SobizTrend