भीम रावलको कविता : राष्ट्रलाई नाश्ने गलेर नाश हुन्छ!

लेखाजोखा न्युज
१५ जेष्ठ २०७८, शनिबार १२:३३

अस्त र व्यस्त समाजै त्रस्त रमाउँछौ यसैमा

बेथिति अति बिगारेउ मति संकट ल्याई यो देशमा,

भय र त्रास फैलाई यहाँ सबैलाई तर्साउँछौ

न्यायका हकी देशभक्तमाथि शब्दवाण वर्षाउँछौ ।

षडयन्त्र जाल बुनिन्छन् तिम्रा सामन्त साथमा

अधिकार छिन्छौ विधिलाई मिच्छौ अँधेरी रातमा,

अतृप्त तिम्रो सत्ताको भोक कहिले हो मेटिने

स्वाधीनतासँगै स्वाभिमान भन्ने कहाँ हो भेटिने?

विधि र विधान नैतिकता तिमीले के साह्रो मिचेको

कुर्सीको खेलमा स्वार्थको झेलमा चुर्लुम्मै डुबेको,

नक्कली कुरा फैलाई सधैं नठान टिकिन्छ

जनाधिकार मास्ने, राष्ट्रलाई नाश्ने गलेर नाश हुन्छ ।

जेठ १५, २०७८

WP2Social Auto Publish Powered By : XYZScripts.com