भीष्मराज फुलाराको ‘म मरे भने त यो शहरको डेरामा’ सार्वजनिक

चक्र कुँवर
२ जेष्ठ २०७८, आईतवार २१:४०

डोटी । डोटी जिल्लाको शिखर नगरपालिका वडा नम्बर ६ पचनाली आदर्श नगर चुडी स्थायी घर भएका युवा साहित्यकार एवं गीतकार भीष्मराज फुलाराको नयाँ गीत ‘म मरे भनेत यो शहरको डेरामा…’ सार्वजनिक भएको छ । बाबुल गिरीको स्वर, संगीत र संगीत संयोजन रहेको गीतको भिडियो गीतकार फुलाराको आफ्नै यूट्युव च्यानल ‘फुलारा इन्टरटेनमेन्ट नेट्वर्क’ मार्फत सार्वजनिक गरिएको छ ।

फुलारा लिट्रेचर फाउण्डेशन नेपाल र द ल अफिसेस अफ बासु डी. फुलारा पि.सि.को संयुक्त सहकार्यमा निर्माण गरिएको उक्त गीतको पोष्ट प्रोडक्शन ‘बि स्क्वायर मिडिया र रेकर्डिङ द पिक स्टुडियोमा भएको थियो । संगीत सागर मगरद्वारा निर्देशित उक्त म्युजिक भिडियोमा सम्वाद लेखन जनकराज खकुरेलको रहेको छ । त्यसैगरी ध्वनी मिश्रण दिनेश राजवाहक, छायांकन तथा सम्पादन बिश्वास भण्डारी, मेकअप क्रितिका श्रेष्ठको रहेको छ भने वाँसुरीमा संजीव मैनाली, गितारमा राहुल बिकले गीतलाई थप कारुणीक बनाएका छन् ।

गीतकार फुलाराले यस अघि आमाहरुमा समर्पित गीत ‘जुनसरी बिलाई गयौ.., कोरोना कहर विशेष ‘कस्तो भाइरस आयो..’ जस्ता कारुणीक गीतहरु सार्वजनिक भइसकेका छन् । साहित्यिक फाँटमा उहाँका कृतिहरुः ‘नफापेको मान्छे’ (उपन्यास), पाठकहरुले सर्वाधिक मन पराएको उपन्यास ‘टुहुरो कुण्डली’ अंग्रेजी र नेपाली संस्करण, नेपाली भाषा र साहित्यको इतिहास ‘त्यहाँ देखि यहाँसम्म’ ल्याइसकेका छन् ।

गीत सार्वजनीक भएपछि उक्त गीतका सर्जक युवा गीतकार फुलाराले भने ‘अहिलेको विषम् परिस्थिति र विश्वभरी आक्रान्तभइ फैलिएको (कोभिड १९) को महामारीको चपेटामा परेर कष्टकर जीवन विताइरहेका आम नागरिक सँगै मुलुक भित्र वा मुलुक बाहिर सपनाको संसार सजाउन हिंडेका युवापिढी जो शहरका डेरामा बसी कष्टकर जीवन भोगिरहेका छन् त्यस्तो जनजीवनलाई लक्षित गरि गीत मार्फत उजागर गरेको छु ।’ फुलारा कामको सिलसिलामा हाल काठमाडौंमा बस्दै आएका छन् ।

WP2Social Auto Publish Powered By : XYZScripts.com