गण्डकीका मुख्यमन्त्री गुरुङलाई कोरोना संक्रमण

लेखाजोखा न्युज
२२ बैशाख २०७८, बुधबार ११:०८

गण्डकी प्रदेश मुख्यमन्त्री पृथ्वीसुब्बा गुरुङको कोरोनाको नतिजा पोजेटिभ आएको छ। प्रदेश सरकार मातहतको संक्रामक तथा सरुवा रोग अस्पतालमा मंगलबार साँझ उनको आरडिटी परीक्षण गर्दा पोजेटिभ आएको हो।

यसअघि गण्डकी प्रदेशका ४ जना सांसदको पीसीआर रिपोर्ट पोजेटिभ आएको थियो। सांसदहरु राजीव पहारी, प्रभा कोइराला, मनकुमारी गुरुङ र खिमविक्रम शाहीलाई कोरोना संक्रमण पुष्टि भएको हो।

मुख्यमन्त्रीका प्रेस संयोजक विक्रम न्यौपाने पनि संक्रमित भएर ४ दिनदेखि आइसोलेसनमा छन्। मुख्यमन्त्री पनि अहिले आफ्नै निवासको एकान्तवास आइसोलेसनमा छन्।

मुख्यमन्त्रीविरुद्ध संसदमा पेस भएको अविश्वास प्रस्ताव छलफल गर्नुअघि सांसदहरु सबैको कोरोना परीक्षण भएको थियो। त्यसमध्ये सुरुमा ३ जनाको पोजेटिभ आएको थियो।